Bakılı rejissor Emil Musayevin çəkdiyi film ABŞ-ın nüfuzlu film festivalında iştirak edə bilər. Bu haqda bu gün, 22 avqust tarixində Bakuplus.az rejissorun rəsmi İnstagram səhifəsinə istinadən xəbər verir.
“Pupa” adlı qısametrajlı film “Sundance” film festivalına təqdim olunub. Filmin ssenari müəllifləri Emil Musayev, Sərdar Amin, Ömər Xəyyamdır, baş rollarda isə İlham Əziz, Səidə İsmayılova və Gülnarə Əliyeva iştirak ediblər.
“Sundance” film festivalı 1978-ci ildə ABŞ-da yaranıb və Birləşmiş Ştatların nüfuzlu müstəqil film festivallarından biri sayılır. Burada bütün dünyadan tam və ya qısametrajlı sənədli, dramatik və yaradıcı filmlər nümayiş olunur.
