24 dekabr tarixində ARTIM Layihə Məkanında “Günəş şəhəri” qrup sərgisi çərçivəsində gənc rəssamlar Şəlalə Salamzadə, Raminə Boçarova və Erkin Ələkbərli ilə "Yeni nəsil Azərbaycan rəssamlarının incəsənət sahəsində üzləşdiyi çətinliklər" mövzusunda müzakirə keçiriləcək.
Rəssamlar sənət sahəsindəki yeni nəsil rəssamlarla təcrübələrini və sənət tarixi boyunca qarşılaşdıqları mürəkkəb problemlərə baxışlarını bölüşəcəklər. Görüşün moderatoru YARAT Müasir İncəsənət Məkanının kiçik kuratoru, Zəhra Məmmədovadır.
Görüş saat 19:00-da başlayacaq. Müzakirə azərbaycan və rus dillərində keçiriləcək.
Məkan: ARTIM Layihə Məkanı (İçərişəhər, Kiçik Qala, 5)
Qeydiyyat üçün əlaqə: 050 251 41 17
Görüşə giriş yalnız COVID-19 pasportu (COVID-19-a qarşı peyvənd sertifikatı və ya COVID-19-a qarşı immunitet sertifikatı) ilə icəzə verilir.
“Günəş şəhəri” qrup sərgisi 29 oktyabr tarixində açılıb. “Günəş şəhəri” qrup sərgisi, öz ilham mənbəyini italyan filosof Tommazo Kampanellanın eyni adlı kitabından götürüb. Utopik əsər, Xristofor Kolumb ilə səyahətə çıxan genuyalı dənizçinin insanların gender, sosial status, din və digər faktorlardan asılı olmayaraq harmoniya içində yaşadığı adaya düşməsindən bəhs edir.
