Yanvarın 29-da “Azərbaycan filmlərinə gənclərin marağı” layihəsi çərçivəsində Azərbaycanın xalq artisti, aktyor Rasim Balayevlə görüş keçiriləcək. Tədbir Xəzər Gənclər Evi və Azərbaycan Gənc Könüllülər Akademiyası tərəfindən təşkil olunacaq.
Görüşdə aktyor gənclərlə söhbət edəcək, onların suallarını cavablandıracaq. Görüş saat 20:00-da Zoom plaftormasında baş tutacaq. İştirak pulsuzdur. Qeydiyyatdan keçmək üçün linkdən istifadə etmək mütləqdir.
Rasim Balayev 8 avqust, 1948-ci ildə anadan olmuşdur. O, ilk dəfə “Ulduzlar sönmür” filmində kiçik rolda çəkilmişdir. Balayev Nəsimi, Babək, Dədə Qorqud rolları ilə tamaşaçıların sevgisini qazanmışdır. O, "Bu şirin söz, azadlıq", "Sənin birinci saatın", "Xoşbəxtlik səhnəsi", "Mən hələ qayıdacağam", "Birisi gün gecəyarısı" kimi filmlərdə epizodik rolları oynayıb. Ümumilikdə Balayev 150-dən çox filmdə rol alıb.
