Bakı Şəhər Mədəniyyət Baş İdarəsi şəhid analarının şərəfinə bayram konserti təşkil edib. Bu haqda Bakuplus.az bu gün, 8 Mart tarixində İdarəyə istinadən məlumat verir.
Hacıağa Abbasov adına Mədəniyyət Mərkəzində 8 Mart - Beynəlxalq Qadınlar Günü münasibətilə populyar müğənni Elnur Məmmədovun iştirakı ilə Şəhid anaları və Qocalar evinin sakinləri üçün konsert proqramı keçirilib. Konsertdə Şəhid anaları, məktəb kollektivləri, Qocalar evinin sakinləri, Elnur Məmmədovun sənətini sevən Maştağa qəsəbə sakinləri iştirak ediblər.
Tədbir şəhidlərin ruhunun bir dəqiqəlik sükutla yad edilməsi ilə başlayıb. Daha sonra aparıcı Humay Muxtarova bütün Azərbaycan xanımlarını təbrik edib. Tədbirdə həmçinin rəqqasə Kəmalə Səfərəliyeva iştirak edib.
