5 mart tarixində dünyaca məşhur skripkaçının 75 illiyi Bakıda qeyd olunacaq. BakuPlus Trend-ə istinadən xəbər verir ki, əfsanəvi skripkaçı və musiqi xadimi Gidon Kremerin yubileyinə həsr olunmuş konsert Heydər Əliyev Mərkəzində baş tutacaq.
Gidon Kremer 1997-ci ildə 3 Baltik ölkələrdən olan istedadlı gənc musiqiçilərdən ibarət Kremerata Baltica kamera orkestrinə əsas qoymuşdur. Musiqiçilərin 50-dən çox CD-si buraxılıb və 2002-ci ildə orkestr GRAMMY və ECHO kimi nüfuzlu mükafatlara layiq görülüb.
Məşhur Maestro ilə birlikdə skripkaçı Madara Petersone (Latviya) və Azərbaycanın Əməkdar Artisti Fuad İbrahimovun rəhbərliyi ilə Bakı Kamera Orkestri bir səhnədə çıxış edəcəklər.
