Dekabrın 29-da Heydər Əliyev Mərkəzində “Nəğmə dolu ürək” qala-konserti keçiriləcək.
Konserti Əməkdar Artist Fuad İbrahimovun rəhbərliyi ilə Üzeyir Hacıbəyli adına Azərbaycan Dövlət Simfonik Orkestri və Azərbaycan Dövlət Xor Kapellası müşayiət edəcək.
Qala-konsertdə solistlər - Xalq artistləri Azər Zeynalov, Fərhad Bədəlbəyli (piano), Murad Adıgözəlzadə (piano), Murad Hüseynov (piano), Yeganə Axundova (piano), Əməkdar artist Ramil Qasımov çıxış edəcəklər.
Tanınmış bəstəkarlar Elza İbrahimova, Fikrət Əmirov, Qara Qarayev, Niyazi, Oqtay Zülfüqarov, Sergey Raxmaninov, Sevil Əliyeva, Tofiq Quliyev və Üzeyir Hacıbəylinin əsərləri ifa ediləcək.
Konsertin biletlərini Heydər Əliyev Mərkəzinin kassalarından, iTicket.az saytı və kassalarından əldə etmək olar.
Pandemiya şəraitində konsert salonlarının fəaliyyətinə zalın ümumi tutumunun 50 faizindən çox olmayaraq icazə verilməməsi nəzərə alınaraq, biletlər məhdud sayda satışa çıxarılacaq.
Zala giriş yalnız COVID-19 pasportu (COVID-19-a qarşı peyvənd sertifikatı və ya COVID-19-a qarşı immunitet sertifikatı) ilə icəzə verilir.
