Noyabrın 21-də Abdulla Şaiq adına Azərbaycan Dövlət Kukla Teatrında məşhur isveç dramaturqu, Nobel mükafatı laureatı Ceyms Barrinin “Piter Pan” pyesi əsasında hazırlanmış “Piter Pan: Yoxlandiyaya səyahət” tamaşası nümayiş olunacaq.
Teatrın quruluşçu rejissoru Anar Məmmədov, kukla texnikası və işığın quruluşçu rəssamı isə Əfşan Əsədovadır.
Uşaqları əsrarəngiz nağıllar dünyasına dəvət edən tamaşada həm də hərəkətli dekorasiyalar üstünlük təşkil edir. Müxtəlif mexanizmlərlə yaradılmış kuklalardan ibarət bir hissəli uşaq tamaşasının obrazlarını Elnur Abbasquliyev, Səriyyə Mansurova, Cavid Telman, Elmira Hüseynova, Raxilə İbadova, Aygül Ağayeva, Elgün Həmidov, Samirə Nəcəfova, Araz Həsənli və Adil Dəmirov ifa edirlər.
