Dekabrın 15-17-də “Mədəni yenilənmə” layihəsi çərçivəsində sənətkarlar və musiqişünaslarla görüşlər keçiriləcək.
Layihə çərçivəsində Azərbaycan Musiqi Mədəniyyəti Dövlət Muzeyində professor Fərəc Qarayevlə yaradıcılığından və XXI əsr Moskva bəstəkarlarının musiqisindən, musiqişünas alimin iştirakı ilə seminar-müzakirə fəlsəfə elmləri doktoru, Rauf Fərhadovla mühazirə-müzakirə keçiriləcək.
Dekabrın 15-də YARAT mərkəzinin səhnəsində SoNoR ansamblı haqqında kitabın təqdimatı, dekabrın 17-də isə Antalya Dövlət Konservatoriyasının dosenti Samir Mirzəyev “Sinesteziya fenomeni və Skryabin” haqqında mühazirə ilə çıxışı təşkil ediləcək.
Layihə çərçivəsində Azərbaycan Dövlət Filarmoniyasında “Nurlanmış gecə” adlı kamera və “Nostalji” adlı simfonik konsertlər təşkil olunacaq.
“Mədəni yenilənmə” - YARAT Müasir İncəsənət Mərkəzi və Mədəniyyət Nazirliyinin birgə layihəsi 2021-ci ilin oktyabrında başlayıb. Layihənin məqsədi müasir nəsli Azərbaycandan kənarda yaşayan mədəniyyət və incəsənət xadimləri ilə tanış etmək, onların ölkə daxilində əhəmiyyətini vurğulamaq, təcrübə və peşəkar bilik mübadiləsi aparmaq, bir ildən artıq davam edən pandemiya ilə əlaqədar böhrandan çıxmalarına kömək etməkdir.
