Məşhur israilli yazıçı, tarixçi, professor Yuval Noah Harari oktyabrın 2-6-da Bakıda keçiriləcək Beynəlxalq Astronavtika Konqresində fəxri qonaq kimi iştirak edəcək. Bu haqda bu gün, 9 avqust tarixində Bakuplus.az məlumat verir.
Yuval Harari “Sapiens: Bəşəriyyətin Qısa Tarixi”, “Homo Deus: Sabahın Qısa Tarixi”, “21-ci Əsr üçün 21 Dərs” və “Bizi dayandırmaq olmaz” bestseller kitablarının müəllifidir. Onun kitabları 65 dilə tərcümə edilib və 45 milyon nüsxədən çox satılıb.
47 yaşlı Y. Harari 2002-ci ildə Oksford Universitetində fəlsəfə doktoru dərəcəsi alıb. Hal-hazırda Qüds İvrit Universitetinin Tarix kafedrasının müdiridir.
Beynəlxalq Astronavtika Konqresi 50 ildən sonra ilk dəfə Bakıda keçiriləcək. Tədbir Bakı Konqres Mərkəzində təşkil olunacaq.
