Əməkdar artist Suğra Bağırzadənin 75 yaşı tamam olur.
Suğra xanım “Azərbaycanfilm” kinostudiyasında texniki şöbənin böyük mühəndisi vəzifəsində işləyib. O, uşaqlıqdan həyatını incəsənətlə bağlayıb. Onun ifasında “Cücələrim” mahnısı Azərbaycanın hüdudlarından kənarda da tanınır. Təbii güllərdən yaratdığı kompozisiyalar ona floraçı-rəssam şöhrətini gətirib. “Floristika” İncəsənətə Dəstək adlı ictimai birliyin yaradıcısıdır.
Suğra Bağırzadə aktrisa kimi bir çox kinolarda çəkilib:
- Yollar və küçələrlə (film, 1963)
- Ulduz (film, 1964) - Yetər rolu
- Alma almaya bənzər (film, 1975) - telefonçu qız rolu
- Şir evdən getdi (film, 1977) - aeroport işçisi rolu
- Tələ (film, 1990)
- Yuxu (film, 2001) - maşındakı qız rolu
- Güllələnmə təxirə salınır!... (film, 2002)
- Sonuncu şahid (film, 2004)
- Qəmbər Hüseynli (film, 2007)
- Həyat sən nə qəribəsən (teleserial, 2013)
- Şərəf məktubu (qısametrajlı, 2020)
Əməkdar artist Türk Dünyası Araşdırmaları Beynəlxalq Elmlər Akademiyasının “Fəxri Doktoru” adına, Beynəlxalq Mükafatlar Komitəsinin “Qızıl Ulduz” və “Türk Dünyasında İlin Mədəniyyət Adamı” mükafatlarına layiq görülüb. Bundan başqa mədəniyyətə verdiyi böyük töhfələrə görə Beynəlxalq Təltiflər İttifaqının Birləşmiş Millətlərin İctimai Mükafat üzrə Şurası tərəfindən “Fayda, şərəf və şöhrət” ordeni ilə təltif edilib.
Suğra Bağırzadə 2018-ci ildə “Tərəqqi” medalı ilə, 2022-ci ildə isə BMT-nin İctimai Mükafatlar Şurası (UNCOPA) tərəfindən dünya mədəniyyətinə xidmətlərinə görə “Leonardo Da Vinçi” medalı ilə təltif olunub.
Suğra Bağırzadə 10 fevral 1947-ci ildə Bakıda anadan olub.
