Bu gün Şövkət Ələkbərovanın anadan olmasından 100 il ötür.
1922-ci il oktyabrın 20-də Bakıda anadan olan sənətkar ilk musiqi təhsilini kamança aləti üzrə alıb. Daha sonra Asəf Zeynallı adına Musiqi Məktəbində Hüseynqulu Sarabskinin tələbəsi olub.
1937-ci ildə musiqi yarışmasında “Qarabağ şikəstəsi”ni ifa edən Şövkət Ələkbərovanın səsinə münsiflər heyətində əyləşən Üzeyir Hacıbəyov, Səid Rüstəmov və Bülbül valeh olurlar.
Dövlət xorunda işə düzəldikdən sonra musiqi karyerası başlayır.
O, öz gəlinini muğam ixtisasından dərs dediyi Asəf Zeynallı adına musiqi texnikumunda görüb və bəyənib. Gələcək gəlinini oğluna göstərəndə deyib: “O qız mənim cavanlığıma oxşayır”.
Səməd Vurğun “Oxu gözəl” mahnısının sözlərini məhz Şövkət Ələkbərova üçün yazıb.
Şövkət xanım həyatının sonuna qədər bir yoxsul qadına himayədarlıq edib. Oğluna və gəlininə onun ölümündən sonra da həmin qadına baxmaları barədə vəsiyyət edir. Lakin onun öldüyünü öyrənən qadın bir daha o evə ayaq basmır.
Xanəndə iki dəfə ailə qurub.
“Mən oxuduqca yaşamaq, yaşadıqca yaratmaq istəyirəm”, - deyən sənətkar ilk evliliyindən olan Natella adlı qızının xərçəng xəstəliyindən ölməsindən sonra bir daha oxumayıb.
