1 dekabr tarixində Milli Kitabxanada Tofiq Bakıxanovun əsərlərindən ibarət sərgi açılıb.
APA-ya istinadən sərgi Mədəniyyət Nazirliyi, Bəstəkarlar İttifaqı və Milli Kitabxananın birgə təşkilatçılığı ilə Tofiq Bakıxanovun yaradıcılığının 70 illiyinə həsr olunur. Sərginin açılışı Xalq artisti, görkəmli bəstəkar, "Şöhrət" və "Şərəf" ordenli professor Tofiq Bakıxanovun 90 illik yubileyinə həsr olunmuş Musiqi festivalı çərçivəsində baş tutub.
Tədbirdə Xalq artisti Tofiq Bakıxanov çıxış edib və bildirib ki, onun əsərləri Türkiyə, İran, Bolqarıstan və digər xarici ölkələrdə çap olunub.
Sərgi və Musiqi festivalı 8 dekabr tarixinə kimi davam edəcək.
