Bakıda 3 noyabr tarixində xalq rəssamı Böyükağa Mirzəzadənin xatirəsinə həsr olunmuş anım günü keçiriləcək. Bu haqda 1 noyabr tarixində Azərbaycan Dövlət Rəsm Qalereyası məlumat verib.
Muzey Mərkəzində 3 noyabr 2021-ci il saat 14:30-da rəssamın zəngin irsi, yaradıcılığı, həyat və sənət fəaliyyətindən ətraflı məlumat veriləcək. Mirzəzadə Azərbaycanda böyük xidmətləri olan şəxsiyyətlərin portretlərini işləyib, teatr-dekorasiya sənəti sahəsində də böyük nailiyyətlər əldə edib.
Tədbir Azərbaycan Respublikası Mədəniyyət Nazirliyinin dəstəyi, Azərbaycan Dövlət Rəsm Qalereyası, Muzey Mərkəzinin təşkilatçılığı ilə keçiriləcək.
