Bakının Nizami Kino Mərkəzində martın 30-dan aprelin 3-dək Braziliya Film Festivalı keçiriləcək. Bu barədə bu gün, 22 mart tarixində Qafqazinfo Azərbaycan Mədəniyyət Nazirliyinin mətbuat xidmətinə istinadən məlumat verilib.
Festival Azərbaycan və Braziliya arasında diplomatik əlaqələrin qurulmasının 30 illiyi münasibətilə təşkil olunacaq. Azərbaycan Mədəniyyət Nazirliyi və Braziliyanın ölkəmizdəki səfirliyinin təşkilatçılığı ilə keçiriləcək tədbir çərçivəsində dörd bədii və bir sənədli film tamaşaçıların diqqətinə təqdim olunacaq.
Belə ki, tamaşaçılar martın 30-da “Qalib gəlmək üçün 10 saniyə”, aprelin 1-də “Hebe – Braziliyanın ulduzu”, aprelin 2-də “Hər kəsə xatirə üçün hədiyyə et - Dorival Kaimmi” və 3 aprel tarixində "Simonal" və "Sevgi haqqında bütün mahnılar" filmlərinə baxa biləcəklər.
[URIS id=37897]
