Bakı Musiqi Akademiyasında Novruz bayramı ərəfəsində konsert proqramı təqdim ediləcək. Bu haqda 12 mart tarixində AZƏRTAC məlumat verib.
Üzeyir Hacıbəyli adına Bakı Musiqi Akademiyasının Orta ixtisas musiqi məktəb-studiyasının şagirdlərinin iştirakı ilə Novruz bayramı ərəfəsində konsert baş tutacaq. Tədbir martın 17-də BMA-nın böyük zalında Akademiyanın 100 illik yubileyinə həsr olunmuş tədbirlər çərçivəsində keçirilir.
Proqramda violin, çello, fleyta, saksofon, marimba, fortepiano,vokal ixtisasları üzrə təhsil alan şagirdlərin ifasında Azərbaycan və xarici bəstəkarların əsərləri səslənəcək.
