Martın 27-də Azərbaycan Dövlət Akademik Opera və Balet Teatrında teatrın pərdəarxası həyatı ilə tanış olmaq üçün tamaşaçılara səfər təşkil olunacaq. Tədbir Azərbaycan Mədəniyyət Nazirliyinin “Teatrda bir gün” layihəsi çərçivəsində baş tutacaq. Bu haqda bu gün, 16 mart tarixində Bakuplus.az Day.az-a istinadən məlumat verir.
Bu tədbirin iştirakçıları solo vokalçıların, balet artistlərinin, xor və orkestrin məşq fəaliyyəti ilə tanış olmaq imkanı əldə edəcəklər. Həmçinin tədbirlərin iştirakçıları tamaşaların hazırlanması və təqdimatı ilə bilavasitə məşğul olan texniki şöbələrin işi ilə tanış olmaq imkanı əldə edəcəklər.
Martın 27-də saat 12:00 və 14:00-da teatra səfər təşkil olunacaq. Bu tədbirdə iştirak etmək istəyənlər teatr rəhbərliyinin 493 94 05 nömrəsinə zəng edərək qeydiyyatdan keçə bilərlər.
