Bakıda Birinci Türk Dünyası Ədəbiyyat və Kitab Festivalı keçiriləcək. Bu haqda BakuPlus.az Azərtac-a istinadən bu gün, 10 may tarixində xəbər verir.
Mayın 26-dan 28-dək keçiriləcək tədbirin təşkilatçısı Beynəlxalq Türk Müəllifləri Birliyidir.
Tədbir Bakı Dövlət Universitetinin həyətində - açıq havada təşkil olunacaq. Türksoylu ölkələrdən tanınmış alimlərin, qələm adamlarının qatılacağı tədbirin birinci günü “Şuşa Günü”, ikinci günü “Türk Dünyası Günü”, üçüncü günü isə “Dədə Qorqud Günü” adlandırılıb.
Təntənəli açılış mərasimi mayın 26-da baş tutacaq festivalda Beynəlxalq Türk Mədəniyyəti və İrsi Fondunun, Beynəlxalq Türk Akademiyasının, TÜRKSOY-un, Azərbaycan Yazıçılar Birliyinin nəşr etdiyi kitabların təqdimatları da nəzərdə tutulub.
Tədbirin sonuncu günündə mükafatlandırma mərasimi təşkil olunacaq.
Türk Dünyası Ədəbiyyat və Kitab Festivalının növbəti ili Türkiyədə təşkil ediləcək.
