“Postponed” (“Taxirə salınıb”) qrup sərgisinə 25 fevral İçərişəhərdə yerləşən ARTIM Layihə məkanında start veriləcək. Bu haqda bu gün, 22 fevral tarixində Bakuplus.az məlumat verir.
Sərgi gənc rəssamlar Nərgiz Abdullayeva, Ağababa Bağırov, Leyli Əhmədova, Əli Yusibov, Müşfiq Heydərov, Novruz Məmmədov və Sabit Zamanovun əsərlərindən ibarət olacaq.
Tədbirin açılışı saat 19:00-da baş tutacaq, açılış zamanı COVID-19 pasportu tələb olunacaq. İşlər 10 aprel tarixinə kimi təqdim olunacaq, sərgiyə giriş ödənişsizdir.
Sərgi "möhlət" kontekstini yeniləyərək, həyatda, istər şəxsi, istərsə də ictimai gecikmələrin nəticələrini yenidən nəzərdən keçirməyi təklif edir. Ekspozisiya, rəssamların bir çox mümkün hekayələr üçün başlanğıc nöqtəsi kimi təklif etmək istədiyi "ertələnmiş fəaliyyət" kontekstində şəxsi yetkinlik və yanaşmaları ilə səsləşir.
