Bu gün Xalq artisti Nəsibə Zeynalovanın anım günüdür. O, 20 aprel 1916-cı ildə Bakıda dünyaya gəlib.
Ən çox “Qaynana” filmindəki obrazına görə sevilən aktrisa 1932-ci ildə Rza Təhmasibin dram dərnəyinə üzv olub. 1934-cü ildən mövsümi fəaliyyət göstərən səyyar Kolxoz və Sovxoz Teatrında aktrisa işləməyə başlayıb. 1938-ci il-də yenicə yaranan Azərbaycan Dövlət Musiqili Komediya Teatrının truppasına birinci dərəcəli aktrisa kimi götürülüb.
Azərbaycan Respublikasının əməkdar artisti, xalq artisti fəxri adlarına layiq görülüb. "Hicran" musiqili komediyasındakı “Qızbacı” roluna görə Azərbaycan Dövlət Mükafatı Laureatıdır. 1974-cü ildə Rauf Kazımovski onun yaradıcılığı barədə "Aktrisanın təbəssümü" televiziya filmi çəkib.
Nəsibə Zeynalova 10 mart 2004-cü ildə Bakıda vəfat edib.
