Şamil Əliyevin quruluş verdiyi “Yaradanlar” sənədli filmi ölkədə ilk dəfə nümayiş olunacaq. İl ərzində müxtəlif beynəlxalq festivallarda mükafatlar alan filmin ilk nümayişi dekabrın 3-də Nizami Kino Mərkəzində baş tutacaq.
Film oktyabr ayı üçün "Alatoran Beynəlxalq Film Festivalı 2021" (Twilight International Film Festival) (Yaponiya) - "Ən yaxşı sənədli film" və Havelock Beynəlxalq Film Festivalı 2021 (Hindistan) - "Ən yaxşı bədii sənədli film" mükafatlarını qazanıb.
“Yaradanlar” filmi Azərbaycanın tanınmış memarları Mikayıl Üseynov və Sadiq Dadaşovun həyat və yaradıcılığından, onların yaradıcılığına kommunist ideologiyasının və 20-ci əsrdə Azərbaycanın mədəni irsinə necə təsir etməsindən bəhs edir.
Film Azərbaycan Mədəniyyət Nazirliyinin sifarişi ilə 2020-ci ildə “Salnamə” kinostudiyasında çəkilib. Ssenari müəllifi - Natiq Rəsulzadə, ideya müəllifi - Elbəy Qasımzadə, quruluşçu operatoru - Rüfət Süleymanov, rəssamı - Lalə Hüseynzadə, bəstəkarı - Azər Əsgərov, prodüseri - Nazim Hüseynov.
