ƏSA Teatrı iki ildən sonra yenidən səhnəyə qayıdır. Bu haqda 17 yanvar tarixində Bakı Şəhər Mədəniyyət Baş İdarəsi xəbər verib.
Fevralın 9-da Akademik Rus Dram Teatrının səhnəsində ilk inklüziv teatrı olan ƏSA Teatrının Jan-Pol Sartrın “Bağlı qapı arxasında” əsəri əsasında hazırladığı “Çıxış yoxdur!” fəlsəfi-dramının premyerası baş tutacaq. Əsər ölümlərindən sonra əbədi olaraq bir otaqda qapalı qalmağa məhkum edilən üç nəfərdən bəhs edir.
Tamaşanın quruluşçu rejissoru Nihad Qulamzadə, baş rolların ifaçıları Elşən Əsgərov, Lalə Süleymanova və Səmayə Ağayarovadır.
Biletləri şəhərin bütün kassalarından və iticket.az saytından əldə etmək olar.
