Bakıda “Mədəni gənclik” layihəsi həyata keçirilib. Bu haqda BakuPlus.az Azərtac-a istinadən bu gün, 13 may tarixində xəbər verir.
Layihəyə ilk ev sahibliyini Səməd Vurğun adına Azərbaycan Dövlət Akademik Rus Dram Teatrı edib.
Mirzə Fətəli Axundovun "Hekayəti-müsyö Jordan və dərviş Məstəli şah" komediyası nümayiş olunub.
Tamaşaçılar “çör-çöp yığan” müsyö Jordanla “şarlatan” Məstəli şahın əyləncəli və düşündürücü səhnələrini izləyiblər.
Tamaşa bitdikdən sonra izləyicilər kollektivlə görüşmək imkanı əldə ediblər.
Layihənin məqsədi gənclərin incəsənətə marağının daha da artırılması, onların ölkənin mədəni həyatında fəal iştirakının təşviq edilməsi, bir sözlə “mədəni gəncliyin” formalaşdırılması, milli mədəniyyətimizə sahib çıxacaq gənclər profilinin yaradılmasıdır.
