Professor Tahir Salahov 29 noyabr 1928-ci ildə Bakı şəhərində anadan olub.
O, 1950-ci ildə Əzim Əzimzadə adına Bakı Rəssamlıq Məktəbini bitirdikdən sonra V.İ.Muxina adına Leninqrad ali rəssamlıq sənaye məktəbinə daxil olub. 1951-ci ildə V.İ.Surikov adına Moskva Dövlət Rəssamlıq (İncəsənət) İnstitutuna daxil olub.
Salahov Azərbaycan Rəssamlar İttifaqının sədri, Respublika Ali Sovetinin deputatı, 1973-cü ildə SSRİ Rəssamlar İttifaqının birinci katibi, 1997-ci ildə isə Rusiya Rəssamlıq Akademiyasının vitse-prezidenti seçilib. Onun rəsmləri hazırda Azərbaycanda və bir çox dünya muzeyləri və qalereyalarında nümayiş etdirilir.
Tahir Salahov 20 may 2021-ci ildə 92 yaşında Almaniyanın Berlin şəhərində vəfat edib və Bakının Birinci Fəxri Xiyabanda dəfn olunub.
