Sabahdan etibarən paytaxtın “CinemaPlus” kinoteatrlar şəbəkəsində Azərbaycan istehsalı olan “Olimpia” filminin nümayişi başlayır. Bu haqda BakuPlus.az Report-a istinadən bu gün, 17 mart tarixində xəbər verir.
Rejissoru və prodüseri Əli-Səttar Quliyev olan, Mədəniyyət Nazirliyinin sifarişi ilə “Mozalan” studiyasının ekranlaşdırdığı film melodram janrındadır.
Filmin ssenari müəllifi Rüstəm Babazadə, təsvir rejissoru Nadir Mehdiyev, ikinci rejissoru Akif Rüstəmov, rəssamı Arif Niftiyev, bəstəkarı Roman Şulqa, icraçı prodüseri Tərlan Babayev, səs rejissoru isə Teymur Kərimovdur.
Rollarda Qurban İsmayılov, Kəmalə Israfilova, Vidadi Həsənov, Mabud Məhərrəmov, Hacı İsmayılov, Rasim Cəfər, Günel Məmmədova, Azər Aydəmir, Vüsal Hacıqədir və Şamil Süleymanov çəkiliblər.
