Sabunçu Teatr Klubu aktyor axtarır. Bu haqda bu gün, 16 fevral tarixində Bakuplus.az Sabunçu Gənclər Evinə istinadən xəbər verir.
Teatr Klubunun əsas məqsədi incəsənətə marağı və istedadı olan gəncləri bir araya toplamaqdır. Klubun fəaliyyəti zamanı tarixi, məişət, komediya və digər mövzularda tamaşalar hazırlanacaq.
Tamaşalar ayda bir dəfə, hər ayın sonuncu şənbə və bazar günləri keçiriləcək. Həmçinin ay ərzində klub üzvləri müxtəlif teatrlarda nümayiş olunan tamaşalarda izləyici kimi iştirak edəcəklər. Teatr klubunun fəaliyyəti dövründə müxtəlif incəsənət xadimləri ilə görüşlər keçiriləcək.
Klub heyəti 20 nəfərdən ibarət olacaq. Məşqlər həftənin V, VI, VII günləri baş tutacaq.
Klubun aktyoru olmaq üçün 24 fevral tarixinə kimi qeydiyyatdan keçmək lazımdır.
