“Tullantıdan Sənətə” muzeyində “ATMA-YARAT-SAT” adlı sosial layihə baş tutacaq. Bu haqda "Tamiz Shahar" JSC məlumat verib.
Layihə çərçivəsində lazımsız hesab edilən əşyalardan düzəldilmiş gözəl sənət əsərlərinin təqdimatı və satışı olacaq. Layihə Vətən müharibəsində iştirak edərək sağlamlığını itirən və digər kateqoriyadan əlilliyi olan yaradıcı insanları əhatə edəcək.
“ATMA-YARAT-SAT”-ın əsas məqsədi əlilliyi olan insanların cəmiyyətə inteqrasiyası və onların sosial vəziyyətinin yaxşılaşdırılmasıdır. Layihədə satışdan əldə olunan vəsait əlilliyi olan insanların sosial vəziyyətinin yaxşılaşdırılmasına və iş imkanlarının genişləndirilməsinə yönəldiləcək.
Sosial layihə 25 dekabr 2021-ci il tarixində saat 11:00-da Bakının Qala qəsəbəsində yerləşən “Tullantıdan Sənətə” muzeyində keçiriləcək.
