Bakıda Xalq rəssamı Sirus Mirzəzadənin “Qadın ətri” adlı fərdi sərgisi keçirilib. Bu haqda 5 mart tarixində BakuPlus.az Mədəniyyət Nazirliyinə istinadən xəbər verir.
Azərbaycan Milli İncəsənət Muzeyində martın 4-də Xalq rəssamı Sirus Mirzəzadənin “Qadın ətri” adlı fərdi sərgisinin açılış mərasimi keçirilib.
Açılış mərasimində mədəniyyət nazirinin müavini Sevda Məmmədəliyeva, Azərbaycan Respublikası Milli Məclisinin deputatları, mədəniyyət və incəsənət xadimləri və digər qonaqlar iştirak ediblər.
Sərgidə Sirus Mirzəzadənin 150-yə yaxın sənət nümunəsindən ibarət olan sərginin ekspozisiyası nümayiş olunub.
Məhsuldar yaradıcılıq fəaliyyətinə görə Sirus Mirzəzadə 1996-cı ildə "Humay" mükafatına, 2002-ci ildə Azərbaycanın Əməkdar rəssamı və 2018-ci ildə Xalq rəssamı fəxri adlarına layiq görülüb.
