14 iyun tarixində Bakıda Xurşidbanu Natəvanın anadan olmasının 190 illik yubileyinə həsr olunan beynəlxalq konfrans keçiriləcək.
AMEA Nizami Gəncəvi adına Milli Azərbaycan Ədəbiyyatı Muzeyində Azərbaycan poeziyasının görkəmli nümayəndəsi, dövlət xadimi Xurşidbanu Natəvanın 190 illik yubileyinə həsr olunmuş “Xan qızı Natəvan və Azərbaycan qadınının ədəbi-mədəni mübarizələri” mövzusunda beynəlxalq elmi konfrans keçiriləcək.
KONFRANSIN BÖLMƏLƏRİ:
- Xurşidbanu Natəvanın mühiti, həyatı, ədəbi-mədəni irsi
- Azərbaycanda və Yaxın Orta Şərqdə ədəbi və musiqili məclislər ənənəsi
- Qarabağın ədəbi-mədəni irsi bölgədə və Azərbaycan ətrafında cərəyan edən tarixi ictimai-siyasi proseslərin kulturoloji salnaməsi kimi
- Tarixi məzmunlu “Qarabağnamə”lər və ədəbi abidələrdəki Qarabağ həqiqətləri
- Yaxın və Orta Şərq ədəbi-mədəni mühiti və tarixi-siyasi proseslərdə yaradıcı və ictimai fəal qadınların yeri
- Milli dövlətçilik ənənələri kontekstində Azərbaycan xanlıqları və Qarabağ xanlığı
Məqalələrin qəbul olunması üçün son tarix 15 aprel 2022-ci ildir.
Ətraflı məlumat üçün əlaqə nömrəsi: +994 12 492 72 86
