Şamil Əliyevin quruluş verdiyi “Yaradanlar” sənədli filmi Böyük Britaniyada iki mükafata layiq görülüb.
Film oktyabr-noyabr ayları üçün Münsiflər Heyəti Mükafatı Europe Film Festival 2021 - Diamond Award (Almaz Mükafatı) və noyabr ayı üçün London International Monthly Film Festival 2021 - Special mention (Xüsusi Qeyd) qazandı. Müsabiqənin nəticələri COVID-19 pandemiyası ilə əlaqədar onlayn rejimdə açıqlanıb.
“Yaradanlar” filmi Azərbaycanın tanınmış memarları Mikayıl Üseynov və Sadiq Dadaşovun həyat və yaradıcılığından, onların yaradıcılığına kommunist ideologiyasının və 20-ci əsrdə Azərbaycanın mədəni irsinə necə təsir etməsindən bəhs edir.
Daha öncə, oktyabr ayında film "Alatoran Beynəlxalq Film Festivalı 2021" (Twilight International Film Festival) (Yaponiya) - "Ən yaxşı sənədli film" və Havelock Beynəlxalq Film Festivalı 2021 (Hindistan) - "Ən yaxşı bədii sənədli film" mükafatlarını qazanıb.
Bakıda “Yaradanlar” filmi ilk dəfə dekabrın 3-də Nizami Kino Mərkəzində nümayiş olunmuşdur.
