Bakıda BAFTA 2021 Qısametrajlı filmlər proqramı nümayiş olunacaq. Bu haqda BakuPlus.az bu gün, 3 mart tarixində xəbər verir.
Tədbir YARAT Müasir İncəsənət Mərkəzində 9 mart, 19:00-da baş tutacaq.
Böyük Britaniyanın bir sıra istedadlı aktyorlarının rol aldığı hekayələri təqdim edən proqram yeddi qısametrajlı filmdən ibarət olacaq. Onlardan 3-ü animasiyadır.
Nümayişin sonunda, 10-cu Beynəlxalq Qısametrajlı Film Festivalının rəhbəri Feyruz Şəmiyev iştirakçılarla qısametrajlı film festivallarının rolu mövzusunda biliklərini bölüşəcək.
Nümayişə 16 yaşından yuxarı və COVİD-19 pasportu olan şəxslər buraxılacaq.
İştirak etmək üçün qeydiyyatdan keçmək mütləqdir.
