Bakıda “Mədəni yenilənmə” adlı multidistiplinar layihə çərçivəsində növbəti tədbir keçirilib. Tədbir Azərbaycan Musiqi Mədəniyyəti Dövlət Muzeyində baş tutub. Bu haqda 16 dekabr tarixində Azərtac xəbər verib.
Tədbirin bu dəfəki qonağı bəstəkar, Azərbaycanın Xalq artisti, müasir Azərbaycan-rus bəstəkarlıq məktəbinin görkəmli nümayəndəsi Fərəc Qarayev iştirakçıların suallarını cavablandırıb.
Layihənin başlıca məqsədi xaricdə yaşayan, musiqi, teatr, kino, ədəbiyyat və elm sahəsində peşəkar uğurlara imza atmış istedadlı soydaşlarımızın fəaliyyəti ilə Azərbaycan tamaşaçılarını tanış etməkdir.
Dekabrın 15-17-də “Mədəni yenilənmə” layihəsi çərçivəsində sənətkarlar və musiqişünaslarla görüşlər keçiriləcək.
