Müğənni Üzeyir Mehdizadənin YouTube kanalı platformada baxış sayı 1 milyardı keçən ilk Azərbaycan rəsmi kanalı olub. Bu haqda bu gün, 6 aprel tarixində Bakuplus.az məlumat verir.
2 milyondan artıq abunəçisi olan kanalda ümumilikdə 311 video yerləşdirilib.
Daha öncə, 2020-ci ilin yanvarında YouTube videoportalı kanalı 1 milyon abunəçi zolağına çatan Mehdizadəni “qızıl düymə” ilə mükafatlandırmışdı.
Lakin Üzeyir yaradıcılığının pərəstişkarı olmayan insanlar da var. Belə ki, Dövlət Dil Komissiyası yanında Monitorinq Mərkəzinin hazırladığı “Mahnılarımız monitorinq aynasında” adlı kitabda zərərli vərdişlərdən istifadəni, tüfeyli həyat tərzini, mental dəyərlərimizə zidd olan davranışları təbliğ edən, aqressiv hərəkətlərə və özünə qəsdə sövq edən mahnıların siyahısı tərtib edilib. Təqdim olunan siyahıda Üzeyir Mehdizadənin “Kəsəcəyəm damarları”, “Rədd elə” və müğənni Rəqsanə ilə birgə oxuduğu “Dəli balam” mahnıları da yer alıb.
Üzeyir Mehdizadə artıq ondan çox albom buraxıb. Sənətçi Azərbaycan, Türkiyə, Almaniya, Rusiya, Özbəkistan, Qazaxıstan, Ukrayna və digər ölkələrdə solo konsertlər verib.
[caption id="attachment_96378" align="alignnone" width="786"]
Foto açıq mənbədən[/caption]
