Bakı şəhərinin Xətai və Sabunçu rayonlarında ağacların qanunsuz kəsildiyi müəyyən edilib. Bu haqda bu gün, 7 aprel tarixində Ekologiya və Təbii Sərvətlər Nazirliyinin mətbuat xidməti məlumat verib.
Araşdırma zamanı ağacların Xətai rayonu, M.Hadi küçəsi, 2944-cü məhəllədə “Bakı-İnşaat 2005” MTK, Sabunçu rayonu, Bakıxanov qəsəbəsi, Bağüstü küçəsi, 3Q ünvanında “Sabah Tikinti” MMC tərəfindən kəsildiyi məlum olub.
Hər iki faktla bağlı akt tərtib edilib. Yaşıllıqlara dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış sənədlər Azərbaycan Respublikasının Baş Prokurorluğuna göndərilib.
