Talassemiyalı uşaqlar üçün toplanmış vəsaiti ələ keçirən şəxslərin məhkəməsi keçirilir. Bu haqda bu gün, 18 aprel tarixində Bakuplus.az APA-ya istinadən xəbər verir.
Nuridə Seyidova, Aynur Bayramova və Aysel Məmmədovanın cinayət işləri üzrə məhkəmənin ilkin baxış iclası keçirilib. İttihama görə, təqsirləndirilən şəxslər etibardan sui-istifadə etməklə "Urmedhelp" MMC və "My Doc Tour Medical Tourism" şirkətləri adından Türkiyədə əməliyyat olunmağa köməklik göstərəcəkləri vədi verərək dələduzluq ediblər. Bu yolla onlar 36 nəfərdən ümumilikdə 980.000 AZN pul mənimsəyiblər.
Aynur Bayramova və Aysel Məmmədova özlərini təqsirli bilməyiblər, digər təqsirləndirilən Nuridə Seyidova isə özünü qismən təqsirli bilib.
Məhkəmə 1 may tarixində davam edəcək.
