Bakıda yaşlı qadının küçəyə atıldığı iddia olunur. Bu haqda bu gün, 17 avqust tarixində Bakuplus.az Xəzər Xəbərə istinadən məlumat verir.
Səbail rayonu, “20-ci sahə” adlanan ərazidə 59 yaşlı Kifayət Hüseynov adlı xanım küçəyə atıldığını və 5 gündür çöldə gecələdiyini deyir.
“Onkoloji xəstəyəm, şəkərəm, zobum var, qara ciyərim serrozdur, ciyərimin biri zülal dağıdıb. Mənə 2 sot torpaq verərdilər. Ən azından cənazəm qapımdan çıxardı”, - deyə o qeyd edib.
Xanımın sözlərinə görə, bu yaxınlara qədər evinin kirayə pulu Səbail rayon İcra Hakimiyyəti tərəfindən ödənib. Ancaq indi bu ödəniş dayandırılıb.
“1 il ev və kommunal pulumu vaxtında verirdilər. Sonradan başladılar geciktirməyə”, - deyə H.Kifayət əlavə edib.
Səbail rayon İcra Hakimiyyətindən verilən açıqlamada vətəndaşın iddialarının əsassız olduğu bildirilib.
Səbail Rayon İcra Hakimiyyətindən bütün iddiaların əsassız olduğu bildirilib və bütün ödənişlərin vaxtı-vaxtında ödənildiyi qeyd olunub.
“Kifayət Hüseynov kirayə qaldığı evdən çıxdıqdan sonra ona sığınacağa yerləşdirilməsi təklif olunmuşdu, lakin o, bundan imtina etmişdi. Razılıq verəcəyi təqdirdə, vətəndaşın sığınacağa yerləşdirilməsi üçün bütün köməkliklər göstəriləcək”, - deyə Səbail RİH-in sektor müdiri Anar Hüseynov əlavə edib.
