Novruz bayramında təcili tibbi yardıma müraciət edənlərin sayı açıqlanıb. Bu haqda bu gün, 27 mart tarixində Bakuplus.az TƏBİB-yə istinadən xəbər verir.
Qeyri-iş günlərində Bakı şəhəri üzrə təcili tibbi yardım xidmətinə 15.763 çağırış daxil olub. Müraciət edənlərdən 1596 nəfər müxtəlif tibb müəssisələrinə hospitalizasiya olunub, digərlərinə isə yerində zəruri yardım göstərilib.
Daha çox müraciət 21 (2311), 22 (2366) və 23 (2314) mart tarixlərində qeydə alınıb.
Çağırış səbəbləri, əsasən, arterial təzyiqin yüksəlməsi, müxtəlif travmalar, dispeptik əlamətlər, kardioloji və respirator xəstəliklər və s. ilə bağlı olub.
