Bakının əsas prospektlərinin birində körpünün tikintisi nə vaxt bitəcək? Bu haqda bu gün, 10 iyul tarixində Bakuplus.az AzTV-yə istinadən xəbər verir.
8 Noyabr prospekti üzərindən Bakı "Ağ şəhər" layihəsinin Fəvvarələr Meydanı Parkını və Dənizkənarı Milli Parkı birləşdirəcək körpünün inşasının yekunlaşacağı vaxt barədə məlumat verilib.
Layihə rəhbəri Xaliq İsmayılovun sözlərinə görə, artıq işlərin böyük hissəsi yekunlaşmaq üzrədir. Həmçinin körpüdən fiziki imkanları məhdud şəxslərin rahat istifadəsi üçün 2 lift və əlavə pilləkənlər quraşdırılacaq.
“Aşırım hissəsinin 85%-i icra olunub. Pilon hissənin isə təxminən 80%-i yekunlaşıb. Körpünün noyabr ayına qədər sakinlərin istifadəsinə verilməsi planlaşdırılır”, – deyə o qeyd edib.
