İqlim dəyişikliyinin qlobal təsirləri fonunda Azərbaycanın da təsirə məruz qalacağı qaçılmazdır. Bu, Bakının 2040-cı ilədək inkişafına dair Baş planında qeyd olunub. Bu haqda bu gün, 8 yanvar tarixində Bakuplus.az məlumat verir.
Qlobal olaraq, 2040-cı ilə qədər Yer kürəsində temperaturun 1,5 dərəcə artacağı, 2100-cü ilə qədər isə bu rəqəmin 4 dərəcə olacağı proqnozlaşdırılır.
“2040-cı ilə qədər illik yağıntı miqdarının 5 faizə qədər azalacağı, 2100-cu ilə qədər isə 10 faizə qədər artacağı proqnozlaşdırılır. Abşeron yarımadasını içməli və suvarma suyu ilə təmin edən Azərbaycanın dağlıq bölgəsində yağıntı miqdarının daha ciddi dərəcədə (20 faizə qədər) azalması gözlənilir ki, bu da gələcək su qıtlığı riskini daha da artırır”, – sənəddə deyilir.
Paytaxtımızın yeni Baş Planı barədə ətraflı məlumatı Dövlət Şəhərsalma və Arxitektura Komitəsinin saytında izləmək mümkündür.
