“Abzas Media” saytının direktor müavini Məhəmməd Kekalov cinayət məsuliyyətinə cəlb edilib. Bu haqda bu gün, 23 noyabr tarixində Bakuplus.az Qafqazinfo-ya istinadən məlumat verir.
Bildirilir ki, Kekalov vəkili Rövşanə Rəhimlinin xidmətlərindən imtina edib. Bununla bağlı vəkil özü açıqlama verib. Onun sözlərinə görə, Kekalov onunla əlaqə saxlayaraq ondan imtina etdiyini bildirib. O, öz fikrini görüşdə də təsdiqləyib, dövlət hesabına vəkillə təmin edildiyini bildirib.
“Mən ona hüquqlarını izah etdim, müdafiəsinə bir neçə vəkilin qoşula biləcəyini bildirsəm də, dedi ki, yox, ehtiyac yoxdur”, – deyə vəkil bildirib.
Daha öncə məlum olub ki, “Abzas Media”nın direktoru Ülvi Həsənli və baş redaktoru Sevinc Vaqifqızı qaçaqmalçılıq ittihamı ilə həbs ediliblər.
