Azərbaycanın iki ali təhsil müəssisəsi dünyanın ən yaxşı universitetlərinin siyahısında yer tutub. Bu haqda bu gün, 11 aprel tarixində Bakuplus.az Elm və Ali Təhsil üzrə Dövlət Agentliyinə istinadən məlumat verir.
Ali təhsil sahəsində beynəlxalq analitik agentlik olan “Quacquarelli Symonds” (QS) fənlər üzrə dünyanın ən yaxşı universitetlərinin reytinqini açıqlayıb (QS World University Rankings by Subject 2024).
Azərbaycan Dillər Universiteti (ADU) “Müasir dillər” proqramı üzrə ən yüksək nəticə əldə edərək dünyanın ən yaxşı 301-340 universitetinin siyahısına daxil olub.
Azərbaycan Dövlət İqtisad Universiteti (ADİU) “İqtisadiyyat və ekonometrika” proqramı üzrə 351-400, “İctimai elmlər və menecment” proqramı üzrə isə 501-550 universitetin arasında yer alıb.
