Bakının Xətai rayonu, Afiyəddin Cəlilov küçəsində təmir işləri aparılıb. Bu haqda bu gün, 10 iyul tarixində Bakuplus.az Avtomobil Yolları Dövlət Agentliyinə istinadən məlumat verir.
Yusif Səfərov küçəsindən Xəqani Rüstəmov küçəsinədək texnoloji ardıcıllığa uyğun olaraq, qeyd olunan hissə üzrə yolun frezlənməsi və yeni asfalt-beton örtüyünün döşənməsi işləri aparılıb.
Həmçinin küçədə yeraltı kommunikasiya xətlərinin baxış qapaqlarının və yağış barmaqlıqlarının layihə hündürlüyünə qaldırılması işləri də yerinə yetirilib.
Son mərhələdə isə üfüqi nişanlanma xətləri, piyada zolaqları və parkinq yerləri ilə təmin olunan küçə müasir görkəmdə vətəndaşların istifadəsinə verilib.
