Aktrisa Ülviyyə Xəlilbəylinin təzə aldığı kart hesabından özünün də xəbəri olmadan pul çıxarılıb. Bu haqda o, öz İnstagram səhifəsində məlumat verib.
“Kartımın istifadə müddəti bitmişdi, bank mənə ödənişsiz, hədiyyə olaraq kart verdi. Dedilər ki, artıq sistem belə işləyir. Kartı götürdüm, haradasa 1 ay yarım olardı istifadə etmirdim. Ayın 15-də saat 16:27-də prosesi yerinə yetirdim. 16:52-də kartımdan pul çıxıldı. Buna görə də mən banka müraciət etdim. Dedilər: “Bu dələduzluq hadisəsidir və sizin kartınız ancaq bloklanmalıdır. Ola bilər ki, 14 gün ərzində pulu geri qaytaraq və yaxud da ki, heç qaytarmayaq, bu bizdən asılı olan səbəb deyil”, – Xəlilbəyli videopaylaşımda deyib.
Məsələyə rəy bildirirək Banklar Asossiasiyasından qeyd olunub ki, belə hallarla rastlaşan vətəndaşlar dərhal banka müraciət etməlidirlər.
Vəkil Babək Həmidovun sözlərinə görə, hadisə kart sahibinin öz səhlənkarlığı ucbatından baş veribsə, bank heç bir məsuliyyət daşımır.
İT mütəxəssisi Rövşən Əkbərov bu kimi hallarla üzləşməmək üçün kartı alan kimi içinə məbləğ qoymadan öncə 3D təhlüksizlik funkisyasını aktiv etməyi, gündəlik xərcləməyə limit təyin etməyi məsləhət görüb.
