Paytaxtda çalışdığı evdən oğurluq etməkdə təqsirləndirilən xadiməyə hökm oxunub. Bu haqda bu gün, 12 dekabr tarixində Bakuplus.az Qaynarinfo-ya istinadən xəbər verir.
Məhkəmənin qərarına əsasən, Fəzilə Kərimova (soyad şərti) 1 il 6 ay müddətinə azadlıqdan məhrum edilib.
Təqsirkar cari ilin mart-aprel ayları arasında Sona Rəsulovanın evindən pul və qızıllar oğurlayıb. Kərimova işlədiyi evin yataq otağının dolabından 500 manat, 2400 dollar pul, 100 manat dəyərində bir ədəd "Roman Mayan" markalı ətir və 240 manat dəyərində bir ədəd qızıl üzüyü oğurlayıb. Zərəçəkənə ümumilikdə 4920 manat məbləğində maddi ziyan dəyib.
Fəzilə Kərimova sözügedən işdə 1800 manat maaş alırdı.
