Təhsil Nazirliyinin sabiq işçisi AMEA əməkdaşlarının pulunu mənimsəyib. Bu haqda 6 dekabr tarixində Report xəbər verib.
Təhsil Nazirliyinin “Azərbaycan məktəbi” jurnalının keçmiş baş redaktoru Rahil Nəcəfovun AMEA əməkdaşlarının pulunu mənimsəməsi iddiası irəli sürülüb. Məlumata əsasən, Nəcəfov akademiyanın bir neçə əməkdaşını nazirlikdə işlə təmin edəcəyi, xaricdə aldıqları diplomların Azərbaycanda tanınacağı, dissertasiya işinin yazılacağı, eləcə də xarici nüfuzlu jurnallarda məqalələrinin dərc ediləcəyi barədə yalandan vədlər verib. Buna görə onlardan 3-5 min manat məbləğində pul götürərək mənimsəyib.
Faktla bağlı araşdırma davam edir.
