Professor Şirindil Alışanlı vəfat edib. Bu haqda bu gün, 15 mart tarixində Bakuplus.az Report-a istinadən xəbər verir.
AMEA Nizami Gəncəvi adına Ədəbiyyat İnstitutundan verilən məlumata əsasən, filologiya elmləri doktoru professor Şirindil Alışanlı 72 yaşında dünyasını dəyişib.
Şirindil Alışanlı MEA Ədəbiyyat İnstitutunda elmi işçi, institutun elmi katibi, bölmə müdiri vəzifələrində, eləcə də SSRİ Elmlər Akademiyası Maksim Qorki adına Dünya Ədəbiyyatı İnstitutunun Ədəbiyyat nəzəriyyəsi şöbəsində çalışıb.
O, "Elm" qəzetinin baş redaktoru, "Elm" Redaksiya, Nəşriyyat-Poliqrafiya Mərkəzinin direktoru olub, "Sabah" nəşriyyatının direktoru kimi çalışıb.
Onun dörd kitabı və yüzdən artıq elmi və ədəbi-tənqidi məqaləsi çap olunub.
