Bakı Olimpiya Stadionunda amputant futbol komandalarının oyunu keçirilib. Bu haqda bu gün, 5 aprel tarixində Bakuplus.az Report-a istinadən xəbər verir.
4 aprel – Beynəlxalq Mina Xəbərdarlığı və Mina Təhlükəsi ilə Mübarizəyə Yardım Gününü qeyd etmək məqsədilə "Qarabağ" və "Neftçi" amputant futbol komandalarının matçı baş tutub. İştirakçılar mina partlayışları nəticəsində xəsarət almış amputant şəxslərdir.
Vətən müharibəsindən bu günədək 350 nəfər mina partlayışının qurbanı olub. 65 nəfər həlak olub, 285 şəxs xəsarət alıb. Ümumilikdə Azərbaycanda mina qurbanlarının sayı 3429 nəfər təşkil edir. Onlardan 357-si uşaq və gənc, 38-i qadındır.
[caption id="attachment_134324" align="alignnone" width="640"]
Foto Report.az[/caption]
