İstehlaka yararsız bioloji aktiv qida məhsullarının satışının qarşısı alınıb. Bu haqda 22 iyul tarixində Bakuplus.az Azərbaycan Respublikasının Qida Təhlükəsizliyi Agentliyinə istinadən xəbər verir.
AQTA Yasamal rayonu, İsmayılbəy Qutqaşınlı küçəsi, ev 51C ünvanında fəaliyyət göstərən, fiziki şəxs Abasov Habil Seyfulla oğluna məxsus “İstanbul” aptekində plandankənar yoxlama keçirib. Reyd zamanı “Krilom Omega3 №50” bioloji aktiv qida məhsullarının qida təhlükəsizliyi sertifikatı olmadan satışa çıxarıldığı, həmçinin içlik vərəqində Azərbaycan dilində məlumatların əks olunmadığı aşkar olunub.
Faktla bağlı məhsullar satışdan kənarlaşdırılıb və müəssisəyə inzibati protokol tərtib edilib.
[caption id="attachment_53627" align="alignnone" width="800"]
Foto AQTA-nın rəsmi səhifəsi[/caption]
