Azərbaycan Respublikasının Qida Təhlükəsizliyi Agentliyi istixanalarda monitorinqlər keçirib. Bu haqda 26 noyabr tarixində agentliyin mətbuat xidməti məlumat yayıb.
AQTA karantin obyekti olan zərərli orqanizmlərin yayılmasının qarşısının alınması və mübarizə tədbirlərinin gücləndirilməsi məqsədilə fitosanitar monitorinqləri aparılıb
Monitorinqlər zamanı Xəzər rayonu Zirə qəsəbəsi ərazisində fəaliyyət göstərən istixanalara baxış keçirilib.
Ekspertizanın və virusoloji müayinələrin aparılması üçün nümunələr götürülərək, Azərbaycan Qida Təhlükəsizliyi İnstitutunun müvafiq laboratoriyasına təqdim olunub.
Sonda təhlükəsizlik qaydalarına əməl olunması barədə sahibkarlara zəruri göstərişlər verilib və onları maraqlandıran suallar cavablandırılıb.
