Ötən gün Ağdamın iriçaplı silahlardan atəşə tutulması nəticəsində yaralanan ekskavator operatoru Mehman Həsənovun vəziyyəti məlum olub. Bu haqda bu gün, 20 sentyabr tarixində Bakuplus.az APA-ya istinadən məlumat verir.
31 yaşlı kişi Ağdam rayon mərkəzi xəstəxanasında müalicə alır. Sağ diz nahiyəsinin və sol dirsək nahiyəsinin qəlpə yaralanması diaqnozu ilə gətirilən M.Həsənovun yaraları cərrahi işlənilib. Lazımi tibbi yardım göstərilib. Hazırda vəziyyətinin stabil olduğu, müalicəsinin davam etdirildiyi bildirilir.
Ermənistan silahlı qüvvələrinin birləşmələri tərəfindən Ağdam rayonu iri çaplı silahlardan, o cümlədən minaatanlardan atəşə tutulub. Nəticədə ərazidə quruculuq işləri ilə məşğul olan ekskavatorçu, 31 yaşlı Mehman Həsənov çoxsaylı qəlpə xəsarətləri alıb.
Hazırkı şəraitdə prokurorluq əməkdaşları tərəfindən mümkün olan istintaq hərəkətləri aparılır.
