Bakının Suraxanı rayonunda gənc oğlan yetkinlik yaşına çatmayan qızı şantaj edib.
2007-ci il təvəllüdlü Sadiq 2023-cü ilin avqustundan 2024-cü ilin aprelinədək Suraxanı rayonunun Əmircan qəsəbəsində Bülbülə gölünün yaxınlığındakı yarımtikilidə yetkinlik yaşına çatmayan Fazilə (ad şərtidir – red.) ilə görüşüb.
Fazilənin sözlərinə görə, Sadiq onu yarımtikilidə istəmədiyi halda cinsi əlaqəyə məcbur edib və həmin zaman gizli şəkildə videosunu çəkib. Daha sonra həmin görüntülərlə onu şantaj edərək hadisəni atasına deyəcəyi ilə hədələyib. Zərərçəkmiş bildirib ki, bu hallar təxminən 5 dəfə təkrarlanıb və Sadiq onu ailəsindən gizli görüşməyə məcbur edib.
Məhkəmədə Sadiq ittihamı qəbul etməyib və Fazilə ilə təklikdə qalmadığını bildirib.
Bakı Ağır Cinayətlər Məhkəməsinin hökmü ilə Sadiq 6 il müddətinə azadlıqdan məhrum edilib.
mənbə: demokrat.аz
